706/23
«STREET ART» ТАНЛОВИ
Ўзбекистон ёшлар иттифоқи марказий кенгаши ташаббуси билан Ёшлар ижод саройида «STREET ART» замонавий санъат ва рақс танлови ташкил этилди.
Ижодкор ёшларни ҳар томонлама қўллаб-қувватлаш мақсадида ташкил этилган мазкур танловда замонавий рақс ва санъат йўналишига қизиқувчи ёшлар иштирок этди.
– Мен асосан, ранг-тасвир йўналишида ижод қиламан. Бугунги танловда 12 тага яқин иштирокчилар ўртасида рассомчилик йўналишида мусобақа бўлмоқда, – дейди Суҳроб Тўйчиев. – Мен танлов учун немис ёзувчиси Гётенинг «Фауст» асарига бағишланган суратни чиздим. "STREET ART" суратлар, асосан, кўчаларга, деворларга чизилади. Бугун биз махсус ажратилган баннерларга расмларимизни чиздик.
